НОВОСТИ / Тойон Мүрүтээҕи В.В. Алексеев аатынан уолаттар гимназияларын 9а кылааһын үөрэнээччитэ Вадим Петухов уонна кини салайааччыта математика учуутала Людмила Николаевна Спиридонова быйылгы ХХVI «Инникигэ хардыы» республикатааҕы научнай конференцияҕа кытыннылар

Тохсунньу 18 күнүгэр “Саха” көрдөрөр-иһитиннэрэр ханаал “Эйгэ” биэриитэ оҕону чинчийэр үлэҕэ уһуйууга ананна. Быһа биэриигэ академик В.П. Ларионов аатынан быйылгы ХХVI «Инникигэ хардыы» республикатааҕы научнай конференция интэриэһинэй дакылааттаах оҕолоро Анаабыр, Чурапчы, Нам, Уус-Алдан улуустарыттан кыттыыны ыллылар. Кинилэр ортолоругар Тойон Мүрүтээҕи В.В. Алексеев аатынан уолаттар гимназияларын 9а кылааһын үөрэнээччитэ Вадим Петухов уонна кини салайааччыта математика учуутала Людмила Николаевна Спиридонова кытыннылар.

Вадим учууталын салалтатынан бэһис кылаастан чинчийэр үлэнэн дьарыктанар. 5-7-с кылаастарга “Термос из подручных средств” диэн теманан үлэлээбиттэрэ. Бу дакылаатынан 2019 с. Москваҕа “Траектория технической мысли” үөрэнээччилэр Бүтүн Россиятааҕы научнай-техническэй быыстапкаларыгар 1-гы степеннээх дипломунан наҕараадаламмыта. Онтон билиҥҥи темата – “Разработка уплотнительных колец свечных колодцев для двигателя ЗМЗ-409». Вадим үлэтин практическай чааһын эксперименин ХИФУ Арктиическай-инновационнай киинин лабораториятыгар научнай салайааччыта Дьяконов Афанасий Алексеевич салалтатынан ыытар. Кинилэр Сахабыт сирин тымныытын тулуйар састааптаах каучуктан массыына двигателин чүмэчитин эрэһиинэ саппааһын оҥорон, массыынаҕа олордубуттара иккис сыла буолла. Бу массыынаны анаан кэтээн көрөллөр. Билиҥҥитэ массыына иккис кыһынын этэҥҥэ сүүрэ сылдьар. Вадим бу үлэтинэн 2021 с. “Инникигэ хардыы” Аан дойдутааҕы дистант-форумҥа ситиһиилээхтик кыттыбыта. Быйылгы конференция түмүгүнэн 1 степеннээх дипломунан наҕараадаланна уонна Бүтүн Россиятааҕы конференцияҕа кыттар быраабы ылла. Вадимҥа өссө үрдүк ситиһиилэри баҕарабыт!